Aşgabatda dekabr aýynda türk eksport harytlarynyň sergisi geçiriler
Oktýabr 20, 2023 | 13:59 |4270
Penşenbe güni, Türkmenistanyň Söwda-senagat palatasynda geçirilen duşuşykda 2023-nji ýylyň 6-8-nji dekabry aralygynda Aşgabatda geçiriljek Türkiýe Respublikasynyň eksport harytlarynyň sergisini guramak bilen baglanyşykly meseleler ara alnyp maslahatlaşyldy. Bu barada Söwda-senagat palatasynyň metbugat gullugy habar berdi.
Söwda-senagat palatasynyň başlygy Mergen Gurdow we Türkiýäniň ilçisi Togan Oral, türk öndürijileriniň eksport mümkinçiliklerini görkezjek sergide meýilleşdirilýän çäreleriň meýilnamasyny ara alyp maslahatlaşdylar.
Şeýle hem, söhbetdeşler söwda gatnaşyklarynyň ileri tutulýan ugurlaryny görkezip, türkmen-türk işewür gatnaşyklaryny ösdürmegiň geljegi barada-da durup geçdiler.
ORIENT news
