Türkmenistanyň Prezidentiniň Ahalteke atçylyk toplumynda täze desgalar gurlar

Oktýabr 20, 2023 | 23:22 |6078

Türkmenistanyň Prezidentiniň Ahalteke atçylyk toplumy döwrebaplaşdyrylyp, onuň çäklerinde täze binalar we desgalar gurlar. Döwrebaplaşdyrmak we täze binalary gurmak işleri Türkmenistanyň Prezidentiniň Diwanynyň Iş dolandyryş müdirliginiň sargydy boýunça "Gap Inşaat Ýatyrym we Dyş Tijaret A.Ş." türk kompaniýasy tarapyndan ýerine ýetiriler.

Degişli şertnamany kompaniýa bilen baglaşmak hakynda Karara döwlet Baştutany anna güni gol çekdi.

Resminama laýyklykda, gurluşyk işlerine 2023-nji ýylyň oktýabr aýynda başlamak hem-de binalary we desgalary 2026-njy ýylyň aprel aýynda ulanmaga doly taýýar edip tabşyrmak bellenildi.

ORIENT news