Türkmenistan “Ýaşyl” Ýüpek ýoluny we syýasy logistikany goldaýar
Önümçilik işleri bilen daşky gurşawy goramagyň arasynda deňagramlylygy gazanmakdyr, daşky gurşawyň howpsuzlygyny üpjün etmek Türkmenistanyň halkara hyzmatdaşlygynyň ileri tutulýan wezipelerinden biridir diýip, Halk Maslahatynyň Başlygy Gurbanguly Berdimuhamedow Pekinde ýokary derejedäki baglanyşyk boýunça geçirilen üçünji “Bir guşak, bir ýol” halkara forumynyň çäginde ýokary derejeli konferensiýada eden çykyşynda aýtdy.
Biziň "Ýaşyl" Ýüpek ýolunyň düýp manysyna garaýşymyz şoňa esaslanýar - diýip, türkmen halkynyň Milli Lideri belledi, şeýle-de Türkmenistanyň howanyň üýtgemegi bilen baglanyşykly sebitleýin tehnologiýa merkezini döretmek baradaky teklibiniň oýlanşykly we öz wagtynda ädilen ädim bolandygyny nygtady. Merkeziň işlemegi üçin Aşgabat zerur tehniki we guramaçylyk şertlerini üpjün etmäge taýýardyr.
kömürturşy gazynyň we metanyň zyňyndylarynyň atmosfera ýaramaz netijelerini azaltmak we aradan aýyrmak Türkmenistanyň ekologiýa strategiýasynyň aýrylmaz bölegidir. Ilkinji nobatda gürrüň, energetika, senagat we ulag ulgamlarynda ekologik taýdan arassa, serişde tygşytlaýjy döwrebap tehnologiýalary ornaşdyrmaga hem-de ulanmaga tapgyrlaýyn geçmek barada barýar diýip, Gurbanguly Berdimuhamedow nygtady.
Şeýle hem Aşgabat wodorod energiýasy pudagynda halkara hyzmatdaşlygyny işjeň alyp barýar. “Türkmenistanyň bu ädimlerini hyzmatdaşlygyň “ýaşyl” geçelgelerini döretmäge, şol sanda “Beýik Ýüpek ýoluny dikeltmek” we “Bir guşak, bir ýol” strategiýalarynyň çäklerinde möhüm goşant hasaplaýarys” - diýip, TDH Türkmenistanyň Halk Maslahatynyň Başlygynyň sözlerine salgylanýar.
Gurbanguly Berdimuhamedowyň pikiriçe, ykdysadyýetdäki özara baglanyşyk, halkara derejesinde tehnologiýalaryň, tejribäniň we usullaryň alyş-çalşygy dünýä ösüşiniň obýektiw meýilleridir. Olar önümçilikde has ysnyşykly kooperasiýany, goşulyşmak babatdaky tehnologik we sanly binýatlaryň, bilelikdäki kommunikasiýa ulgamlarynyň döredilmegini göz öňünde tutýar.
Bularyň hemmesi diňe bir tehniki manyda däl, dünýä derejesinde hyzmatdaşlygyň bitewi we durnukly logistikasyny döretmek üçin niýetlenendir.
-Biziň pikirimizçe, Häzirki wagtda, syýasy logistika düşünjesi zerurdyr. Ony ykdysady ösüşiň we hyzmatdaşlygyň geljegi baradaky garaýyşlarynydyr mümkinçiliklerini paýlaşýan döwletleriň özara gatnaşyklarynyň köpugurly ulgamy hökmünde görýärin"-diýip, Türkmenistanyň Halk Maslahatynyň Başlygy belledi.
ORIENT news
