“Adidas-yň” esaslandyryjysy täze kiçi serialyň gahrymany bolar
Täze düşüriljek kiçi serialda işewür Adi Dassleriň ömri, baý bolmadyk maşgaladan gelip çykyşy we sport “imperiýasyny” döredişi giňişleýin çeper beýan ediler.
Täze kino eserinde Adi Dassleriň süýtdeş dogany we başga bir meşhur sport brendini – “Puma-ny” dörediji Rudolf bilen düşünişmezlikleriniň sebäbi hem çeper suratlandyrylar diýip, “Variety” neşiri ýazýar.
Kinodaky taryh Dassleriň uly gyzy Ingeniň görenleri esasynda düşüriler. Filmi “Ferrari”, “Reňkli Aýy öldürijiler” atly filmleri dörediji Nils Ýuul düşürer. Onuň sözlerine görä, täze kino eseri dňe bir dartgynly we özüne çekiji maşgala durmuşyny görkezmek bilen çäklenmän, eýsem, öňdengörüji şahsyýetiň öz döwrüniň kabul edilen durmuş ýörelgelerinden saplanyp, täzelik döredişi barada hem gürrüň berýär.
Täze kinoserialyň birinji möwsüminde 12 bölümiň düşürilmegi meýilleşdirilýär. Taslamanyň haçan taýýar boljakdygy we köpçülige ýetiriljekdigi häzirlikçe belli däl.
ORIENT news
