Hytaý Transhazar ulag geçelgesine maýa goýmaga taýýar
Hytaý Ýewropa uzaýan demir ýol ýük gatnawlary üçin degişli desgalary ösdürmäge we maýa goýmaga taýýar.
Gazagystanyň Prezidenti Kasym-Žomart Tokaýewiň we Hytaý Halk Respublikasynyň Başlygy Si Szinpiniň arasynda geçirilen gepleşiklerde ulag boýunça birnäçe meýilnamalaröňe sürlüp, birnäçe resminamalara şol sanda, “Orta geçelge” ady bilen tanalýan Transhazar halkara ulag geçelgesini ösdürmäge gönükdirilen resminama gol çekildi.
Gazagystanyň Ulag ministrliginiň habar bermegine görä, degişli ulag geçelgesini ösdürmek hem-de Hytaý – Ýewropa ugry boýunça konteýner demir ýol düzümleriniň gatnaşygy boýunça täze döwletara ylalaşygy ýurtlaryň arasynda hereket edýän resminamalaryň we Gazagystanyň “Nurly žol” taslamasynyň çäklerinde durmuşa geçiriler.
Şeýlelikde, taraplar Orta geçelgäni ösdürmek we ony Hytaýyň “Bir guşak, bir ýol” başlangyjy bilen utgaşdyrmagy ylalaşdylar. Iki tarap hem port desgalaryna, konteýner ýükleriň üstaşyr geçirilmegi we utgaşdyrylyp daşalmagy boýunça işlere maýa goýarlar.
Hytaý – Ýewropa ugry boýunça konteýner ýükleriň gözegçiligini amala aşyrmak üçin ministrler derejesinde iş toparynyň döredilmegiň zerurlygy nygtaldy.
ORIENT news
