Türkmen hünärmenleri Bakuwda geçirilen «Haly - türki dünýäsiniň nyşany» konferensiýasyna gatnaşýarlar
Şu günler Bakuwda Azerbaýjandan, Türkiýeden, Gazagystandan, Gyrgyzystandan, Özbegistandan, Türkmenistandan we Gagauziýadan (Moldowa) 30-dan gowrak hünärmen «Haly - türki dünýäsiniň nyşany» atly halkara konferensiýa gatnaşmak üçin ýygnandy. Forum 11-nji oktýabrda Azerbaýjanyň milli haly muzeýinde Türki dünýäsiniň muzeýleriniň II duşuşygynyň çäginde başlandy diýip, AZERTAJ habar berýär.
Türki döwletlerinden muzeýleriň ýolbaşçylary we wekilleri, haly sungatynyň hünärmenleri, TÜRKSOÝ-nyň ýolbaşçylygy we beýleki işgärler mejlislerde çykyş ederler. Gatnaşanlar «Haly - dünýä medeni mirasy» we «Damga - halynyň dili» ýaly mowzuklara uly gyzyklanma bildirýärler. Mälim bolşy ýaly, türki medeniýetindäki haly diňe bir içerki bezeg bolman, her bir surat, Gündogaryň senetçileri tarapyndan elde ýasalan eserler arkaly aýdylýan hekaýadyr.
Maslahat Bakuda iki gün bolup, soňra çäre Şuşa şäherinde dowam etdiriler.
Türkmenistanda haly esasy milli nyşanlaryň biri bolup, döwlet eýeçiligi diýlip yglan edildi. 1993-nji ýylda Aşgabatda Milli haly muzeýi açyldy. Bu ýerde Ginnesiň rekordlar kitabynda görkezilen iň gadymydan häzirki halylara we kiçisinden ulusyna 2000-den gowrak eksponat hödürlenýär.
Her ýyl maý aýynda Türkmenistan milli baýramçylygy - Türkmen haly baýramyny belleýär.
ORIENT news
