Bangladeşiň Türkmenistandaky täze ilçisi öz işine başlady
Sişenbe güni Türkmenistanyň Mejlisiniň başlygy DünýägözelGulmanowa Bangladeş Halk Respublikasynyň Türkmenistandaky adatdan daşary we doly ygtyýarly ilçisi M. Amanul Hakdan ynanç hatlaryny kabul etdi.
Duşuşykda ilçi Türkmenistanda dowam edýän sosial-ykdysady özgerişler we giňişleýin meýilnamalar barada maglumat aldy. Mejlisleriň gurluşy we onuň işleri, şol sanda parlamentara gatnaşyklary ýola goýmak tejribesi bilen tanyşdy. Bu nukdaýnazardan taraplar iki ýurduň kanun çykaryjy guramalarynyň arasyndaky gatnaşyklary güýçlendirmek isleýändigini nygtadylar.
Ikitaraplaýyn hyzmatdaşlygyň meselelerini ara alyp maslahatlaşyp, taraplar söwda we ykdysady ugurda özara gatnaşyklaryň geljegini bellediler. Söhbetdeşlikde döwletara gepleşikleriň esasy we aýrylmaz bölegi – medeni we ynsanperwer gatnaşyklarydygy aýdyldy diýip, Türkmenistanyň Daşary işler ministrliginiň metbugat gullugy habar berýär.
ORIENT news
