Türkmen türgenleri guşak göreşi boýunça dünýä çempionatynda on medal gazandylar
Türkmen türgenleri Täjigistanyň Hujand şäherinde geçirilen 20 ýaşa çenli türgenleriň arasynda guşakly göreş boýunça dünýä çempionatynda on medal - üç altyn, iki kümüş we bäş bürünç medal gazandy. Bu barada ýurduň Bedenterbiýe we sport baradaky döwlet komiteti habar berýär.
Mekan Nurberdiýew 62 kilograma çenli agram derejesinde iň ýokary baýragy aldy. Baýramguly Muhammetgulyýew (100 kg çenli) münberiň iň beýik basgançagyna çykdy. Annagurban Allaberdiýew (100 kg çenli) türkmen toparyna ýene bir altyn medal getirdi.
Jumamyrat Gumalakow 68 kilograma çenli agram derejesinde ikinji orny eýeledi. Gurbanýaz Allamyradow (100 kg-dan ýokary) altyn madaldan bir ädim uzaklykda saklandy.
Bürünç medallara: Zehin Meretalyýew (57 kg çenli), Sylap Baýrammämedow (62 kg çenli), Guwanç Hemraýew (75 kg çenli), Kerwen Baýramow (82 kg çenli), Annagurban Allaberdiýew (100 kg çenli) dagylar mynasyp boldy.
Hujand şäherinde geçirilen dünýä çempionatyna 20 ýurtdan üç ýüzden gowrak gatnaşyjy ýygnandy.
ORIENT news
