Türkmenistan Bütindünýä maýa goýum forumyna gatnaşýar
16-20-nji oktýabrda Birleşen Arap Emirlikleriniň Abu-Dabi şäherinde Bütindünýä maýa goýum forumy we halkara sergisi geçirilýär. Foruma gatnaşyjy ýurtlaryň maýa goýum mümkinçiliklerini ýaýbaňlandyrmak maksady bilen geçirilýän bu giň möçberli çärede Türkmenistan maýa goýum mümkinçilikleri baradaky pawilýony bilen çykyş edýär.
Bütindünýä maýa goýum forumyna we halkara sergisine Türkmenistanyň Söwda-senagat edarasyndan hem-de Maliýe we ykdysadyýet ministrliginden wekiller gatnaşýarlar.
BMG-niň Söwda we ösüş boýunça konferensiýasy tarapyndan guralan çärä agza ýurtlaryň ýokary derejeli wekilleri, maliýe bilermenleri, maýadarlary we bazaryň beýleki möhüm wekilleri gatnaşdylar. Ol maýa goýum bababtda häzirki meseleleri we olaryň geljegini ara alyp maslahatlaşmaga bagyşlandy.
BMG-niň Baş sekretary özüniň ýüzlenmesinde durnukly ösüş üçin resminamalar toplumyndaky wezipeleri we ösüp barýan ýurtlar üçin her ýylda 500 milliard amerikan dollaryny bölüp bermek ugrunda iş alyp barmaga çagyrdy. Şeýle hem, daşky gurşawyň goraglylygyna üns bermäge çagyryldy.
Türkmenistan forumyň çäginde guralýan sergide özüniň maýa goýum mümkinçilikleri bilen hem tanyşdyrýar.
ORIENT news
