Dünýä çempionaty 2026: Türkmenistanyň futbol toparynyň saýlamasynda soňky garşydaşy kesgitlenildi
2026-njy ýyldaky dünýä çempionatynyň saýlama tapgyrynda Türkmenistanyň milli futbol toparynyň ähli garşydaşlary kesgitlenildi.
13-nji we 17-nji oktýabrda Aziýa zolagynda dünýä çempionaty-2026 gatnaşmagyň ilkinji tapgyry geçirildi. Gonkong topary Butany 4:2 hasabynda ýeňip, ikinji tapgyra çykdy.
16-njy noýabrda başlajak saýlawyň ikinji tapgyrynda Gonkong Türkmenistan, Eýran we Özbegistan milli ýygyndy toparlary bilen bilelikde “E” toparynda bolar.
Dünýä çempionaty-2026-nyň ikinji saýlama tapgyrynyň çäginde Türkmenistan milli ýygyndysy alty oýun oýnar - şu ýylyň noýabr aýynda iki oýun we indiki ýylyň mart we iýun aýlarynda ýene dört oýun.
Häzirki wagtda Türkmenistanyň milli futbol toparynyň Mergen Orazowyň ýolbaşçylygynda BAE-de geçiriljek türgenleşik lagerlerinde dünýä çempionaty-2026-a saýlanmagyň ikinji tapgyryna taýýarlanýandygyny ýatladýarys.
Türgenleşik lageriniň çäginde topar eýýäm iki dostlukly oýun oýnap, BAE çempionatynyň birinji bölüminiň topary bolan "Dubaý Unaytet"-i 3:1 hasabynda ýeňip, Emiratyň ligasynyň häzirki çempiony "Şabab Al-Ahli"-dan 4:1 hasabynda utuldy.
18-nji oktýabrda Mergen Orazowyň topary soňky oýny Emiratyň "Ajman"-y bilen geçirer we şondan soň Türkmenistana gaýdyp geler.
ORIENT news
