BSG-nyň Samarkantda geçirilen mejlisiniň çäginde Türkmenistan Global maýa goýum forumynda wekilçilik edýär
17-nji oktýabrda Silk Road Samarkand syýahatçylyk merkezinde Global maýa goýum forumy açyldy. Ol Birleşen Milletler Guramasynyň Bütindünýä Syýahatçylyk Guramasynyň (UNWTO) Baş Assambleýasynyň 25-nji mejlisiniň çäginde geçirilýär.
Forum Özbegistanyň ekologiýa, daşky gurşawy goramak we howanyň üýtgemegi boýunça ministri Aziz Abduhakimow we UNWTO-nyň Baş sekretary Zurab Pololikaşwili tarapyndan açyldy.
Aziz Abduhakimow, Özbegistana daşary ýurtly syýahatçylaryň akymynyň her ýylda 30-40% ösýändigini, munuň 100 töweregi ýurduň raýatlary üçin wizasyz režimiň we 55 ýurt üçin ýönekeýleşdirilen režimiň girizilmegi arkaly amala aşyrylandygyny habar berdi. 2022-nji ýylda Özbegistana 5,2 million syýahatçy gelen bolsa, şu ýyl bu görkeziji 7 million bolar.
Onuň sözlerine görä, 2024-nji ýylda ýurda 10 million daşary ýurtly syýahatçynyň gelmegine garaşylýar.
UNWTO-nyň Baş Assambleýasynyň mejlisiniň açylyşynda Prezident Şawkat Mirziýoýew 2030-njy ýyla çenli daşary ýurtly syýahatçylaryň sanyny ýylda 15 milliona, içerki syýahatçylaryň sanyny bolsa 25 milliona ýetirmegiň meýilleşdirilýändigini aýtdy.
Forumyň çäginde Özbegistanyň welaýatlarynyň syýahatçylyk we maýa goýum mümkinçiliginiň sergisi, şeýle hem Türkmenistan ýaly Merkezi Aziýanyň beýleki ýurtlarynyň üç sany syýahatçylyk we dynç alyş zolagy guraldy.
ORIENT news
