Pekinde bilim ulgamynda türkmen-hytaý hyzmatdaşlygynyň geljegine garaldy
Türkmenistanyň wise-premýeri Nurmuhammet Amannepesow we Hytaý Halk Respublikasynyň bilim ministri Huaý Szinpen Pekin şäherinde geçen “Bir guşak, bir ýol” ýokary derejeli 3-nji maslahatyň çäklerinde duşuşdylar.
Huaý Szinpen Türkmenistan bilen Hytaýyň arasynda soňky ýyllarda bilim ulgamynyň dürli ugurlarynda ýola goýlan we yzygiderli ösdürilýän hyzmatdaşlyga oňyn baha berdi we bu ugurda Hytaýda ýetilen sepgitler barada aýtdy.
Hytaýyň bilim ministri birnäçe derjedäki hyzmatdaşlygyň täze mehanizmlerini işe girizmek, şol sanda ÝUNESKO-nyň çäklerinde özara gatnaşyklaryň täze görnüşlerini döretmek, bilim ulgamynda türkmen-hytaý dialogyny täze derejä götermek ugrunda iki tarapyň hem bilelikde tagalla etjekdigine ynam bildirdi.
Amannepesow öz gezeginde Türkmenistanyň Hytaý bilen ýokary okuw mekdepleriniň arasynda talyplaryň alşylmagy, ýaşlar syýasaty, ylmy we inženerçilik, sanly bilim ýaly ugurlarda zehinleri taýýarlamak ugurlarynda hyzmatdaşlygy mundan beýläk-de pugtalandyrmaga taýýardygyny mälim etdi.
ORIENT news
