Türkmenistanly kibertürgenler CS2 klub ýaryşyna gatnaşmaga çagyrylýar
Kibersport ýaryşlaryny gurnaýjylar, meşhur kompýuter oýny Counter-Strike 2 (CS2) üçin klub ýaryşynyň üçünji möwsüminiň başlandygyny habar berdiler. Bu ýyl ýaryş Merkezi Aziýa ýurtlarynda sebit saýlama tapgyrlary görnüşinde geçiriler.
Bu ýaryşa Türkmenistandan, Gazagystandan, Gyrgyzystandan, Täjigistandan we Özbegistandan iň gowy kompýuter klublary çagyrylýar. Toparlar 2-3-nji dekabrda Gazagystanyň Almaty şäherinde geçiriljek ýaryşyň finalynda öz ýurduna wekilçilik etmek hukugy ugrunda bäsleşer. Ýeňijä 12 000 dollar pul baýragy garaşýar.
Toparlary hasaba almak 16-njy oktýabrdan açyk bolup, 28-nji oktýabra çenli dowam eder. Hasaba alynmak üçin guramaçylaryň saýtynda ýörite görnüşleri doldurmaly. Saýlama oýunlary 30-njy noýabrda başlar we YouTube-da Frag resmi kanalynda görkeziler.
CS2 ýaryşy Merkezi Aziýanyň iň abraýly we giň gerimlerinden biridir. Ol 2021-nji ýyldan bäri geçirilip, köp kibersport höwesjeňleriniň we hünärmenleriniň ünsüni özüne çekýär. Ýaryşy guraýjylar, maksadynyň sebitdäki kibersport pudagyny ösdürmek we zehinli oýunçylary goldamakdygyny aýdýarlar.
ORIENT news
