Tokioda Türkmenistanyň Garaşsyzlyk güni bellendi
Duşenbe güni Tokioda Türkmenistanyň Garaşsyzlyk gününe bagyşlanan dabaraly çäre geçirildi.
Baýramçylyk dabarasyna Ýaponiýanyň parlamentarlary, ministrlikleriň we bölümleriň wekilleri, ýokary okuw mekdepleriniň ýolbaşçylary, telekeçiler, daşary ýurt ilçihanalarynyň işgärleri, halkara guramalarynyň wekilhanalary we jemgyýetçilik guramalarynyň wekilleri, žurnalistler, şeýle hem Ýaponiýada okaýan türkmen talyplary gatnaşdy.
Gutlaýyş çykyşlarynda we gutlaglarda köptaraplaýyn türkmen-ýapon gatnaşyklarynyň uly geljegi bellenip geçildi we bu depginde türkmenleriň Prezidenti Serdar Berdimuhamedowyň ornuna ünsi çekildi.
Baýramçylyk wagtynda Ýaponiýanyň Akhal-teke Affinity Co. LTD ykdysady jemgyýetiniň baş müdiri Miçiko Aoe «Türkmenistanyň at gazanan atşynasy» diýen hormatly şahadatnama bilen sylaglandy diýip, Türkmenistanyň Daşary işler ministrliginiň saýtynda ýazýar.
Şeýle hem, çärede türkmen halkynyň Milli Lideri, Halk Maslahatynyň Başlygy Gurbanguly Berdimuhamedowyň kitaplarynyň sergisi, türkmen suratkeşleriniň çeken suratlary we Türkmenistan hakda wideolar görkezilşi guraldy.
ORIENT news
