Tagamly işlekli we senetçilik önümleri: türk kinematograflarynyň “Gadymy Merwe” gezelençleri
Türk kinematograflarynyň wekiliýeti duşenbe güni Mary welaýatynda ýerleşýän “Gadymy Merw” taryhy goraghanasyna baryp gördi. Olar mawzoleýlere we gadymy binagärlik ýadygärliklerine baryp gördüler diýip, Türkmenistanyň HHM-i habar berýär.
Soltan Sanjaryň mawzoleýiniň öňünde, açyk asmanyň astynda türkmenleriň milli tagamlaryny datmak üçin sergi guraldy. Aşpezler myhmanlaryň öňünde adaty türkmen milli tagamlary bolan - “tamdyrlama”, palow, pişme, şeýle hem ýörite bellenilen ýerde gyzgyn gumda bişirilen “gömme işlekli” taýýarladylar. Türk kino ussatlary, täze tagamlardan uly gastronomiki lezzet alandyklaryny belläp, türkmenleriň açyk howadaky naharlaryna we tagamlaryna ýokary baha berdiler.
Gezelenç wagtynda myhmanlar goraghananyň çäginde ýerleşýän başga bir açyk howa sergisine göz aýladylar. Bu ýerde türkmen senetçileriniň we halk döredijiliginiň we ussatlarynyň ajaýyp eserlerini - milli eşikleri, saz gurallaryny, haly we haly önümlerini, şeýle hem ökde zergärleriň öndüren kümüş şaý-seplerini synladylar.
Türk kino ussatlary geljekki taryhy filmleri surata düşürilende hökman Türkmenistanyň özboluşly tebigy gözelligini we milli gymmatlyklaryny görkezjekdiklerini bellediler.
ORIENT news
