Türkmenistanyň iň iri nebit kärhanasy 3,4 million tonna nebiti gaýtadan işledi
Türkmenbaşynyň nebiti gaýtadan işleýän zawodlar toplumy ýylyň başyndan bäri çig nebitiň 3,412 million tonnasyny gaýtadan işläp, önümçilik meýilnamasyny 0,7 göterim artygy bilen ýerine ýetirdi. Geçen 9 aýda Türkmenistanyň iri senagat toplumynda awtobenzin öndürmek boýunça meýilnama 8,8 göterim, dizel ýangyjynyň önümçiligi 5,3 göterim çalgy ýaglarynyň önümçiligi 0,9 göterim artyk ýerine ýetirildi. Bu barada "Nebit-gaz" gazeti habar berýär.
Senagat toplumynda suwuklandyrylan gazyň önümçiligi 1,9 esse artdy. Türkmenistan Garaşsyzlygyny alandan soňra bu iri senagat toplumynda dürli maksatly 50-ä golaý desga gurlup, işe girizildi.
Türkmenistanyň iň iri senagat kärhanasy bolan Türkmenbaşynyň nebiti gaýtadan işleýän zawodlar toplumy şol bir wagtda ýurduň iň iri nebit kärhanasydyr. Bu ýerde öndürilýän nebit önümleri ýörite barlaghanalarda barlaglardan geçirilip, önümçilikde häzirki zaman we ekologiýa taýdan arassa tehnologiýalar ulanylýar.
ORIENT news
