Türkmenistanyň we Hytaýyň daşary işler ministrleri Pekinde duşuşdylar
16-njy oktýabrda Türkmenistanyň daşary işler ministri Raşid Meredow hytaýly kärdeşi Wan I bilen Pekinde gepleşikleri geçirdi. Onda Hytaýyň daşary işler ministri Wan I şu ýyl iki ýurduň arasynda hemmetaraplaýyn strategik hyzmatdaşlygyň ýola goýulmagynyň ikitaraplaýyn gatnaşyklaryň taryhynda täze döwri açandygyny nygtady.
Mälim edilişi ýaly, Hytaý Türkmenistan bilen ähli ugurda özara hyzmatdaşlygy çuňlaşdyrmaga taýýardyr. Türkmenistan “Bir guşak, bir ýol” başlangyjyny durmuşa geçirmekde esasy hyzmatdaşlaryň biridir. Bu başlangyç boýunça geçirilýän ýokary derejedäki hyzmatdaşlyk forumyna Türkmenistanyň gatnaşmagy ikitaraplaýyn gatnaşyklaryň ösüşine we bilelikdäki taslamalaryň ilerledilmegine täze itergi bolar. Bu barada “Sinhua” habarlar agentligi mälim edýär.
Raşid Meredow öz gezeginde iki ýurduň Baştutanlarynyň özara bähbitli hyzmatdaşlygyň ösdürilmegine möhüm ähmiýet berýändigini aýtdy. Türkmenistan dürki ugurlardaky bar bolan mümkinçilikleri netijeli ulanmaga we hemmetaraplaýyn strategik hyzmatdaşlygy ilerletmäge umyt bildirýär.
Daşary işler ministriniň bellemegine görä, Türkmenistan “Bir guşak, bir ýol” işjeň goldaýar we gatnaşýar hem-de bu taslamanyň Beýik Ýüpek ýolunyň dikeldilmegi boýunça başlangyjy bilen utgaşdyryljakdygyny berk ynam bildirýär.
ORIENT news
