GDA-nyň sammitinde Rus dilini ösdürmek boýunça gurama döredildi
Oktýabr 13, 2023 | 23:03 |7426
GDA-nyň döwlet Baştutanlary 13-nji oktýabrda Bişkekde geçiren duşuşyklarynda Rus dilini goldamak we ilerletmek boýunça halkara guramany döretmek boýunça ylalaşyga gol çekdiler.
GDA-nyň Baş sekretary Sergeý Lebedowyň Arkalaşygyň döwlet Baştutanlarynyň sammitinde mälim etmegine görä, bu teklip mundan bir ýyl ozal, Gazagystanyň Prezidenti Kasym-Žomart Tokaýew tarapyndan öňe sürüldi.
Onuň sözlerine görä, degişli guramany döretmegiň konsepsiýasy tassyklandy. Rus dili boýunça halkara guramanyň Sekretariaty Russiýanyň Soçi şäherinde ýerleşer.
Bu guramany döretmegiň maksady ýurtlaryň arasynda dostluk, goňşuçylyk we özara düşünişmek gatnaşyklaryny, rus dilini halkara gepleşigiň dili hökmünde mundan beýläk-de pugtalandyrmakdan ybaratdyr.
ORIENT news
