GDA-da rus dili üçin Halkara gurama dörediler
Rus dili boýunça Halkara guramasynyň döredilmegi, GDA-nyň daşary işler ministrleriniň geňeşiniň 12-nji oktýabrda Bişkekde geçirilen mejlisinde Garaşsyz döwletler arkalaşygynyň agza ýurtlarynyň daşary syýasat edaralarynyň ýolbaşçylary tarapyndan tassyklandy.
Duşuşykdan soň Russiýanyň daşary işler ministri Sergeý Lawrow rus dilini milletara aragatnaşyk dili hökmünde goldaýan beýannamanyň kabul edilendigini habar berdi. Bu barada РИА «Новости» habar berýär.
Diplomat "Şol bir temada, rus dili boýunça islendik gyzyklanýan ýurtlar üçin, şol sanda GDA-nyň düzümine girmeýänler üçin hem açyk halkara guramasyny döredýän resminama tassyklandy" - diýip belledi.
Halkara guramasynyň maksady rus dilini dünýäde ýaýratmakdyr. Ony döretmek baradaky ylalaşyga, garaşylyşy ýaly, 13-nji oktýabrda Bişkekde geçiriljek GDA sammitinden soň gol çekiler.
Bu hökümetara gurluşy döretmek başlangyjynyň Gazagystanyň Prezidenti Kasym-Žomart Tokaýew tarapyndan edilendigini ýatladýarys. GDA ýurtlarynda 2023-nji ýyl “Rus diliniň ýyly” diýlip, yglan edildi.
ORIENT news
