Türkmenistanyň milli futbol ýygyndysy BAE-deokuw türgenleşiklerini dowam etdirýär
TFF-nyň habaryna görä, Türkmenistanyň milli futbol topary Dubaýda (BAE) 8-18-nji oktýabr aralygynda geçirilýän okuw türgenleşigini dowam etdirýär.
2026-njy ýylda geçiriljek FIFA dünýä çempionatynyň saýlama tapgyryna taýýarlyk görmek üçin Türkmenistanyň milli ýygyndysy eýýäm “Dubaý Ýunaýted” bilen ýoldaşlyk oýuny oýnady. 10-njy oktýabrda geçirilen duşuşyk türkmen toparynyň 3:1 hasabynda ýeňiş gazanmagy bilen tamamlandy.
“Dubaý Ýunaýted”-den üstün çykandan soň, Türkmenistanyň milli ýygyndysy gündelik türgenleşigini dowam etdirýär. Okuw türgenleşigi fiziki we taktiki taýýarlygy öz içine alýar.
15-nji oktýabrda Mergen Orazowyň topary ýene bir ýoldaşlyk oýnunda oýnar. "Sabab Al-Ahli" futbol kluby bilen duşuşyk Dubaýyň “Al Raşid” stadionynda geçiriler. Duşuşyk Aşgabat wagty bilen 18:05-de başlar.
Iýul aýynda geçirilen 2026-njy ýyldaky dünýä çempionatynyň saýlama ýaryşynyň ikinji tapgyrynyň deňme-deň netijelerine görä, Türkmenistanyň milli ýygyndysy Eýranyň, Özbegistanyň şeýle hem, ilkinji saýlama tapgyr jübütiniň ýeňijisi Gonkong - Butan toparlary bilen oýnajak “E” toparçasyna girdi.
16-njy noýabrda Türkmenistanyň milli ýygyndysy 2026-njy ýylda geçiriljek FIFA dünýä çempionatynyň saýlama ýaryşlarynyň ikinji tapgyrynda Özbegistanyň toparyna garşy ýurtdaky oýny bilen başlar.
ORIENT news
