Awstraliýaly fermer ýüz ýyldan gowrak wagt bäri görülmeýän seýrek kwolly tapdy
Jüýjelerini ýyrtyjydan goramak isleýän Günorta Awstraliýaly fermer garaşylmadyk ýagdaýda ştatda ýitip giden hasaplanylýan torbaly samyryň bir görnüşini bolan tegmilli kwolly tutdy. Bu haýwany Günorta Awstraliýada 130 ýyldan soň ilkinji resmi görmek boldy.
Kingstonly fermer Pao Lin Saý jüýjeleriniň biriniň ýitendigine göz ýetirdi. Ol ony gözläp başlady we başga bir jiýjäni ogurlamaga synanyşýan näbelli haýwany gördi. Ol haýwany gaçmazdan ozal surata düşürmegi başardy. Ol onuň näme haýwandygyny bilmeýärdi we kömek üçin Günorta Awstraliýanyň Milli seýilgählerine we ýabany tebigat gullugyna ýüz tutdy. Olar haýwan üçin duzak gurdular we tiz wagtdan tutdular.
Fermerleri we hünärmenleri geň galdyran zat, bu tegmilli kwoll, gaplaň kwolly diýlip hem tanalýar. Bu tokaýlarda we gyrymsy agaçlarda ýaşaýan torbalylaryň seýrek duş gelýän görnüşi. Ýaşaýan ýerleriň ýitmegi, brakonerlik we pişik we tilki ýaly ýyrtyjylaryň ornaşmagy sebäpli tegmilli kwollar howp astynda. Günorta Awstraliýada ol 1890-njy ýyllardan bäri hiç duşmady.
«Men ony pişik diýip pikir etdim, ýöne ol başga zatdy. Munuň ýaly haýwany hiç wagt görmändim», - diýip Saý aýtdy. Günorta Awstraliýanyň ýabany tebigat boýunça hünärmeni Ross Anderson munuň «täsin açyş» bolandygyny aýtdy. «Bu haýwan geçmişiň galyndylary. Nireden gelendigini bilemzok. Belki ol haýwanat bagyndan gaçandyr ýa-da sebitde gizlin ilaty bolup biler»,-diýip ol aýtdy.
Tutulan kwoll gijilewükden barlamak we bejermek üçin weterinariýa äkidildi. Şeýle hem gelip çykyşyny kesgitlemek üçin DNK synagy edildi. Soňra haýwan howpsuz ýerde ýabany tebigata iberildi. Hünärmenler bu ýerdäki kameralaryň we duzaklaryň üsti bilen gözlegleri dowam etdirerler we ýene-de ol ýerde kwollaryň bolup-bolmadygyny anyklarlar. Şeýle hem, olar ýerli ýaşaýjylary duzak gurmazlyga we bu haýwanlary görenlerinde habar bermeklige çagyrýarlar.
ORIENT news
