Türkmen işewüri guradylan käşirleri sarp edijilere hödürleýär
Türkmen telekeçisi Balkan Annamyradow Balkan we Ahal welaýatlarynda ösdürip ýetişdirýän käşirleriniň guradylan görnüşiniň önümçiligini ýola goýdy. Bu ýerlerde ösdürilip ýetişdirilen käşir Italiýanyň tehnologiýalary bilen enjamlaşdyrylan önümhanada gaýtadan işlenilip sarp edijilere ýetirilýär.
Guradylan käşir özboluşly aýratynlygy bilen adaty ekinden tapawutlanýar we käbir azyk senagatynda guradylan iýmişler giňişleýin peýdalanylýar. Mysal üçin, çörek önümçiliginde guradylan käşir giňden ulanylyp, ol iýmite goşmaça witaminleri goşýar.
Guradylan käşir azyk önümçiliginiň beýleki ugurlarynda hem giňişleýin peýdalanylýar. Bu önümi dürli görnüşli azyk we gaplanan önümleri öndürmekde ulanmak bolýar.
Türkmen telekeçisi aýda 40 tonnadan gowrak taýýar önüm öndürip, içerki sarp edijilere ýetirýär, şeýle hem Russiýa eksport edýär diýip, Türkmenistanyň Senagatçylar we telekeçiler birleşmesiniň web-saýtynda habar berilýär.
ORIENT news
