Serdar Berdimuhamedow Azerbaýjan Respublikasynyň ykdysadyýet ministrini kabul etdi
Çarşenbe güni Prezidentimiz Serdar Berdimuhamedow Azerbaýjan Respublikasynyň ykdysadyýet ministri Mikail Jabbarowy kabul etdi.
Duşuşykda ýurtlarymyzy we halklarymyzy köpasyrlyk dostluk, hoşniýetli goňşuçylyk gatnaşyklarynyň baglanyşdyrýandygy nygtaldy. Bu bolsa özara bähbitli hyzmatdaşlygyň mundan beýläk-de pugtalandyrylmagy we giňeldilmegi üçin ygtybarly binýat bolup hyzmat edýär diýip, türkmen döwlet tele-radiosynyň agşamky ýaýlymynda aýdyldy.
Umumy pikire görä, ikitaraplaýyn gatnaşyklaryň ösdürilmeginde Ykdysady hyzmatdaşlyk boýunça hökümetara türkmen-azerbaýjan toparyna uly orun degişlidir.
Şeýle hem, Türkmenistan we Azerbaýjan sebit we halkara guramalaryň, ozaly bilen, BMG-niň çäklerinde üstünlikli hyzmatdaşlyk edýärler. Bu hyzmatdaşlygyň dowamynda Durnukly ösüş maksatlaryna ýetmäge hem-de ählumumy howpsuzlygyň üpjün edilmegine gönükdirilen başlangyçlary özara goldaýarys diýip, Serdar Berdimuhamedow belledi.
ORIENT news
