Yragyň premýer-ministri «Türkmengaz»-yň başlygy bilen duşuşdy
Yragyň premýer-ministri Muhammet Şia as-Sudani «Türkmengaz» döwlet konserniniň başlygy Maksat Babaýew we onuň wekiliýeti bilen duşuşdy diýip, şenbe güni Yragyň hökümet başlygynyň edarasynyň beren beýanatyna salgylanyp Mawazine News habar berýär.
Duşuşygyň dowamynda ikitaraplaýyn gatnaşyklar we olary ösdürmegiň ýollary, energetika we gaz pudagyndaky hyzmatdaşlygy güýçlendirmek meselesiniň ara alnyp maslahatlaşylandygy, ahyrky netijede türkmen gazynyň importy barada bilelikdäki «başlangyç» Ähtmanasyna gol çekilendigi bellenilýär.
Habarda Yrak wekiliýetiniň gepleşikleri dowam etdirmek we resminamalara gol çekmek üçin 25-nji oktýabrda Türkmenistana gitjekdigi aýdylýar.
Premýer-ministr «hökümetiň Yrakdaky energetika pudagyna uly üns berýändigini we ony iň möhüm meseleleriň birine öwürendigini» belledi. Ol Yrakda ägirt uly gaz gorlarynyň bardygyny, ýöne bu meselede birnäçe ýyllap yza çekilenden soň optimal maýa goýmak üçin wagt gerekdigini nygtady.
«Türkmen gazyň importyna gönükdirilen tendensiýa, hökümetiň gaz importynyň çeşmelerini diwersifikasiýa etmek, şeýle hem elektrik stansiýalarynyň dowamlylygyny üpjün etmek üçin energiýa çeşmelerini diwersifikasiýa etmek baradaky meýilnamasyna laýyk gelýär», -diýip ol aýtdy.
ORIENT news
