Aşgabatda Türkmen-eýran ykdysady toparynyň mejlisi we senagat harytlarynyň sergisi geçiriler
17-18-nji noýabrda Bilelikdäki türkmen-eýran ykdysady toparynyň 17-nji mejlisi geçiriler. Bu günlerde Eýranyň senagat harytlarynyň sergisini guramak meýilleşdirilýär diýip, “Tasnim News” habarlar agentligi mälim edýär.
Mundan ozal, bilelikdäki toparyň mejlisine Eýranyň ýol we şäherleriň ösüşi ministri Mehrdad Bazrpaşiniň gatnaşyp biljekdigini mälim etdi. Sergide tehniki we inžener hyzmatlary, şeýle hem, gurluşyk serişdeleri, binagärlik ugurlary, nebithimiýa, gaz we energetika pudaklarynda gazanylanlar görkeziler diýip, Eýranyň Türkmenistandaky ilçisi Abbas Arbab Hales habar beripdi.
Sişenbe güni Türkmenistanyň daşary işler ministri Raşid Meredow Eýranyň ýol we şäherleriň ösüşi ministri Mehrdad Bazrpaşe bilen telefon arkaly gepleşikleri geçirildi. Onda iki ýurduň arasyndaky hyzmatdaşlygyň möhüm meseleleri maslahatlaşyldy.
Bilelikdäki türkmen-eýran ykdysady toparynyň 17-nji mejlisiniň barşynda ikitaraplaýyn hyzmatdaşlyga degişli resminamalaryň birnäçesine gol çekmek göz öňünde tutulýar.
ORIENT news
