Maýk Taýson WBC gurultaýy üçin Daşkende geler
Meşhur Amerikaly boksçy Maýk Taýson 12-nji noýabrdan 17-nji noýabr aralygynda Daşkende geçiriljek Bütindünýä boks birleşiginiň (WBC) her ýylky gurultaýynyň myhmanlaryndan biri bolar diýip, Nuz.uz habar berýär.
Taýson, agyr agramly dünýä çempiony, WBC, WBA, IBF titullarynyň eýesi. Şeýle hem ol, ABŞ-nyň ýetginjekleriniň arasynda olimpia çempiony. Taýson, "Demir Maýk" lakamyny gazanan agressiw we güýçli boks stili bilen tanalýar.
WBC gurultaýy boks dünýäsindäki iň uly halkara çäresi bolup, bu sporty ösdürmekde häzirki meseleler ara alnyp maslahatlaşylýar, seminarlar, türgenleşikler, sergiler we baýraklar geçirilýär. Gurultaýa milli boks federasiýalarynyň wekilleri, höweslendirijiler, dolandyryjylar, tälimçiler we meşhur boksçylar gatnaşýar.
WBC-iň Daşkendäki gurultaýynyň çäginde 17-nji noýabrda “Humo Arena”-da professional boks agşamy hem geçiriler.
ORIENT news
