“Türkmennebit” döwlet konserniniň başlygy Buharestde iş duşuşygyny geçirdi
Sişenbe güni Buharestde energetika pudagyndaky hyzmatdaşlyk boýunça türkmen-rumyn iş toparynyň nobatdaky maslahaty geçirildi. Rumyniýanyň Energetika ministrliginde geçirilen ýygnakda türkmen tarapyna “Türkmennebit” döwlet konserniniň başlygy Guwanç Agajanow ýolbaşçylyk etdi.
Bellenilişi ýaly, Türkmenistanyň energetika strategiýasynyň esasy maksatlaryndan biri nebit-gaz önümçiligi we nebithimiýa pudaklarynda kärhanalary mundan beýläk-de döwrebaplaşdyrmak we tehniki taýdan enjamlaşdyrmak, häzirki zaman gazy gaýtadan işleýän toplumlary gurmak, benzin, dizel ýangyjy, awiasiýa kerosini, polietilen, polipropilen we beýleki gaz himiki önümlerini öndürmek ýaly taslamalary durmuşa geçirmekdir. Bu barada Türkmenistanyň Daşary işler ministrliginiň metbugat beýanatynda aýdylýar.
Bu nukdaýnazardan, Türkmenistan ösen tehnologiýalary we innowasion ylmy-tehniki ösüşleri bu pudaga çekmek isleýär.
Duşuşykdan soň gazanylan ylalaşyklary we maksatlary birleşdirýän teswirnama gol çekildi.
ORIENT news
