Türkmenistanyň Prezidenti Russiýa Federasiýasynyň wise-premýerini kabul etdi
Prezident Serdar Berdimuhamedow duşenbe güni Russiýa Federasiýasynyň Hökümetiniň Başlygynyň orunbasary, Ykdysady hyzmatdaşlyk boýunça hökümetara türkmen-rus toparynyň rus böleginiň ýolbaşçysy Alekseý Owerçugy kabul etdi.
Duşuşygyň dowamynda ikitaraplaýyn hyzmatdaşlygyň iň möhüm meseleleri bolan, parlament hyzmatdaşlygy, sebitara gatnaşyklar derejesinde we esasy söwda we ykdysady ugurlar boýunça pikir alyşmalaryň bolandygy barada agşamky “Watan” habarlar gepleşiginde habar berildi.
Özara söwda dolanyşygynyň we senagat gatnaşyklarynyň, şol sanda nebit we gaz pudagynda, gaýtadan işlenýän pudaklarda we türkmen-rus hyzmatdaşlygynyň ähli ugurlary boýunça tagallalary utgaşdyrýan hökümetara toparynyň öndürijilikli işleriniň oňyn görkezijisi bellendi.
Döwletara gatnaşyklaryň aýrylmaz bölegi däp bolan - bilim, ylym, medeniýet, lukmançylyk ýaly ynsanperwer ugurlary bolup durýar. IT - ugry häzirki gepleşikleriň esasy ugry bolup durýar.
Ileri tutulýan pudaklarda hyzmatdaşlygy artdyrmak baradaky özara isleg tassyklandy we türkmen tarapy rus hyzmatdaşlarynyň belli temalar boýunça geljegi uly tekliplerine garamaga taýýardygyny mälim etdi.
9-njy oktýabrda Türkmenistanyň Daşary işler ministrliginde Ykdysady hyzmatdaşlyk boýunça hökümetara türkmen-rus toparynyň degişli ýolbaşçylarynyň – Türkmenistanyň Ministrler Kabinetiniň Başlygynyň orunbasary, daşary işler ministri Raşid Meredow bilen Russiýa Federasiýasynyň Hökümetiniň Başlygynyň orunbasary Alekseý Owerçugyň arasynda gepleşikler geçirildi.
ORIENT news
