Türkmen kompaniýalary Daşkentde geçirilen sergä gatnaşdylar
Plastmassa önümçiligine ýöriteleşen “Derýaplastik” we “Nur Plastik” hojalyk jemgyýetleri Daşkent şäherinde geçirilen “Plastmassa senagaty - Plastex Uzbekistan 2023” halkara sergisine gatnaşdylar.
13-nji gezek geçirilen şu gezekki sergä dünýäniň 7 ýurdundan 200-den gowrak kompaniýa gatnaşdy. Sergi diwarlyklarynda plastmassa önümçiliginde häzirki zaman işläp taýýarlamalar, täze önümler, tehnologiýalar, polimer bazaryndaky soňky ösüş ugurlary görkezildi. “Derýaplastik” hojalyk jemgyýeti ýerli bazarda 15 ýyldan bäri işläp gelýär. Ol ýokary hilli plastik turbalary, hojalyk harytlaryny we elektrk kabellerini öndürýän iri kärhanalaryň biridir.
“Nur Plastik” Türkmenabat şäherinde 1 ýyl ozal esaslandyrylan ýaş kärhanalaryň biridir. Kompaniýa polietilenden, polipropilenden we plastikadan dürli görnüşli önümleriň giden toplumyny öndürýär.
ORIENT news
