BMG-niň Merkezi Aziýa üçin öňüni alyş diplomatiýasy boýunça sebit merkeziniň ýolbaşçysy Moskwada GDA-nyň Baş sekretary bilen duşuşdy
BMG-niň Baş sekretarynyň ýörite wekili, Merkezi Aziýa üçin öňüni alyş diplomatiýasy boýunça sebit merkeziniň ýolbaşçysy Kaha Imnadze Moskwada Garaşsyz Döwletleriň Arkalaşygynyň Baş sekretary Sergeý Lebedew bilen duşuşdy. Onda Merkezi Aziýa ýurtlarynyň we GDA agza döwletleriniň umumy meselelerini çözmekde hyzmatdaşlyk etmek we sebitdäki ýagdaýlar boýunça özara pikr alyşmalara we gatnaşyklara goldaw bermek ara alnyp maslahatlaşyldy.
Taraplar şu ýylda geçiirlmegi meýilleşdirilýän çäreler barada birek-birege maglumat berdiler. Duşuşyga şeýle hem BMG-niň Merkezi Aziýa üçin öňüni alyş diplomatiýasy boýunça sebit merkeziniň ýolbaşçysynyň orunbasary Filipp Saprygin, Russiýanyň Daşary işler ministrliginiň halkara guramalar departamentiniň ikinji sekretary Ýuliýa Şewelýowa, GDA-nyň Baş sekretarynyň orunbasary Ilhom Nematow gatnaşdylar.
BMG-niň Merkezi Aziýa üçin öňüni alyş diplomatiýasy boýunça sebit merkezi edara binasy Aşgabatda ýerleşýän Milletler Bileleşiginiň ýörite missiýasy bolup durýar. 2007-nji ýylyň 10-njy dekabrynda resmi taýdan açylan bu merkez dialogyň we gepleşikleriň üsti bilen sebit meselelerine çözgüt tapmakda Merkezi Aziýa ýurtlaryna goldaw bermegi maksat edinýär.
ORIENT news
