Robin Guduň agajy klonlamak arkaly täzeden dörediler
Angliýanyň Nortumberlend graflygynyň milli seýilgähinde sentýabr aýynyň ahyrynda bikanun çapylan Robin Guduň agajy alymlar tarapyndan klonlamak arkaly täzeden dörediler. Bu meşhur agaç iki jahan urşuny, 7 patyşanyň, 40-dan gowrak premýer-ministriň döwürlerini görendir. Has takygy, ol 28-nji sentýabrda näbelli adamlar tarapyndan çapylýar.
Ady rowaýat öwrülen bag ilkinji gezek 1991-nji ýylda düşürilen “Robin Gud: Ogrularyň şazadasy” atly filmde köpçülikleýin görkezildi. Angliýanyň iň köp surata düşürilýän bu bagy 2016-njy ýylda “Ýylyň bagy” adyna eýe boldy. Rowaýata görä, Robin Guduň bolýan öýjagazy Şerwud tokaýlygyndaky dub agajynda ýerleşipdir, ýöne kino surata düşürilende bu bag ulanylypdyr.
Alymlar bagyň köki arkaly ony gaýtadan ösdürip boljakdygyny nygtaýarlar. Ýöne ol ozalkysy ýaly äpet bolmaz. Şonuň üçin-de, bilermenler klonlamak arkaly köpeltmek bilen genetiki taýdan meňzeş bagy döretmek kararyna geldiler. Üstesine, ösümligi klonlamak işi has aňsat düşýär.
Beýik Britaniýanyň taryhy ähmiýetli desgalar we tebigy gözellikler gaznasynyň wekilleri eýýäm klonlamak üçin agajyň köklerini we kesiklerini ýygnadylar. Şeýle hem agajy sapmak usullaryny ulanmak mümkinçiliklerine seredilýär diýip, “The Daily Mail” neşiri habar berýär.
ORIENT news
