Daşary işler ministrliginde ÝHHG-niň Başlygy bilen gepleşikler geçirildi
Ýewropada Howpsuzlyk we Hyzmatdaşlyk Guramasynyň Başlygy, daşary işler ministri Buýar Osmaniniň Aşgabada saparynyň barşynda Türkmenistanyň daşary işler ministri Raşid Meredow bilen duşuşdy we bilelikdäki metbugat maslahatyna gatnaşdy.
Duşuşykda ÝHHG bilen baglanyşykly umumy gyzyklanma bildirilýän ugurlar, şeýle hem ÝHHG sebitindäki we Owganystandaky meseleler ara alnyp maslahatlaşyldy.
Metbugat maslahatynda Osmaniniň mälim etmegine görä, gurama Hereketleriň Çarçuwaly maksatnamasynyň çäklerinde ÝHHG-a agza döwletler bilen sebit we Owganystan bilen bagly meseleleri ara alyp maslahatlaşmak üçin özboluşly meýdança bolmagyny dowam etdirer.
Diplomatlar guramanyň Aşgabatdaky merkezi bilen bilelikde serhet howpsuzlygy, gender deňligi ýaly ugurlarda durmuşa geçirilýän maksatnamalary we taslamalary ara alyp maslahatlaşdylar.
ORIENT news
