Bütindünýä bankynyň Merkezi Aziýa boýunça sebitleýin müdiri bilen duşuşyk
Çarşenbe güni Aşgabatda, Türkmenistanyň Daşary işler ministrliginiň binasynda Türkmenistanyň Daşary işler ministriniň orunbasary Berdiniýaz Mätiýewiň Bütindünýä bankynyň Merkezi Aziýa boýunça sebitleýin müdiri Tatýana Proskurýakowa bilen duşuşygy geçirildi.
Duşuşykda taraplar häzirki hyzmatdaşlygyň meselelerini we Türkmenistan bilen Bütindünýä bankynyň arasyndaky hyzmatdaşlygyň ileri tutulýan ugurlaryny ara alyp maslahatlaşdylar diýip, türkmen Daşary işler ministrligi habar berýär.
Türkmenistan bilen BB-nyň arasyndaky üstünlikli hyzmatdaşlygyň mysaly hökmünde, Halkara Täzeleniş we Ösüş Bankynyň (BB-nyň esasy karz edarasy) 20 million dollar bölüp beren COVID-19 jogap taslamasydyr.
Taraplar, şeýle hem, oba hojalygy, ýaşyl energetika pudagyndaky taslamalary maliýeleşdirmek we Bütindünýä Söwda Guramasyna goşulmak boýunça alnyp barylýan işler sebäpli ýurduň kanunçylygyny gowulandyrmak boýunça bilelikdäki işleriň mümkinçiligini bellediler.
Geljek hepde, 9-15-nji oktýabrda Marokkoda Bütindünýä bankynyň ýyllyk ýygnaklary geçiriler we Bütindünýä bankynyň ýolbaşçylary olara Türkmenistanyň Maliýe we ykdysadyýet ministriniň gatnaşmagyna garaşýarlar.
ORIENT news
