Dubaýdaky iň uly interaktiw gümmez Ginnesiň rekordlar kitabyna girizildi
Gümmez “Al Wasl” diýlip atlandyrylýar we Dubaýda konsertleri we çykyşlary geçirmek üçin meýilnamalaşdyryldy we guruldy. Arap dilinden terjime edilende bu “baglanyşyk” diýmegi aňladýar we bu ýerde düýbünden çuňňur täsir galdyrýan iň uly interaktiw yşk şüweleňi açyldy. Täsin gurluş Ginnesiň rekordlar kitabyna girizildi we çempionlyk kitabynyň resmi emini Alwalid Osmanyň belleýşi ýaly “gurluşyň binagärlik kämilliginiň deňi-taýy ýokdur”.
Gümmeziň ululygy 24 müň inedördül metrden gowrakdyr. Ol ähli tarapdan hem duýgur ekran bilen enjamlaşdyrylandyr. Doly gurşap alýan täsiri, giňeldilen hakykat funksiýalary bolan planşetiň kömegi bilen gazanylýar. Bu ýere gelýänler özboluşly mazmuny döredip we gümmez bilen täsirleşip 360 dereje lazer proýeksiýasyny üýtgedip bilerler. Eýýäm ýanwar aýynda her kim telefondan bu proýeksiýany dolandyryp biler - diýip, taslamanyň ýerine ýetiriji döredijilik müdiri Amna Abulkhul belledi.
Sferik bina 2021-nji ýylda Bütindünýä Ekspo sergisi üçin Dubaýda guruldy. Iň uly öz-özüni goldaýan gümmez, Çikago býurosy bolan Adrian Smit + Gordon Gilliň dizaýnyna laýyklykda guruldy. Bu gurnama 800-den gowrak tehniki hünärmeniň gatnaşmagynda iň çylşyrymly sergi gurluşydyr. Günüň dowamynda gümmez halas ediji kölege berýär, agşam bolsa reňkli yşyklar bilen reňklenýär.
ORIENT news
