Halkara sergiler býurosynyň Baş sekretary: Türkmenistan Expo jemgyýetiniň işjeň agzasy
Aşgabada saparynyň barşynda Halkara sergiler býurosynyň Baş sekretary Dimitri Kerkentzes Türkmenistanyň daşary işler ministri Raşid Meredow we söwda we daşary ykdysady aragatnaşyklar ministri Begenç Goçmollaýew bilen duşuşdy.
Duşyşyklaryň çäklerinde taraplar Türkmenistanyň Halkara sergiler býurosynyň we beýleki halkara sergilerine gatnaşmak we hyzmatdaşlyk etmek meselelerine garadylar. Şeýle hem, Türkmenistanyň Doha şäherinde geçirilýän ekspo sergisine gatnaşmagy barada aýdyldy, bu halkara serginiň çäklerinde 9-njy oktýabrda Türkmenistanyň milli güni geçiriler. Halkara býuronyň web-saýtynyň mälim etmegine görä, Türkmenistanyň "Osaka Kansai World Expo 2025" Bütindünýä sergisine gatnaşmak meseleleri maslahatlaşyldy.
Anna güni Halkara sergiler býurosynyň Baş sekretary Dimitri Kerkentzes Türkmenistanyň Senagatçylar we telekeçiler birleşmesiniň başlygy Nökerguly Atagulyýew we Söwda-senagat edarasynyň başlygy Mergen Gurdow bilen duşuşdy. Duşuşyklarda ekspo sergilerinde Türkmenistanyň hususy düzüminiň işini ýaýbaňlandyrmak boýunça gyzyklanmalar mälim edildi.
"Türkmenistan Expo jemgyýetiniň işjeň we ynamdar agzasy hökmünde tapawutlanyp, aýratynda umumy we ýöriteleşdirilen sergilerde özüniň goşandyny goşýar" diýip, Kerkentzes belledi.
Türkmenistan halkara gözden geçirişlere, şol sanda 1993-nji ýylda Koreýa Respublikasynyň Tejon şäherinde geçirilen ýöriteleşdirilen sergisine hem-de Şanhaý, Milan, Astana we Dunaý şäherlerinde geçirilen bütindünýä sergilerinde işjeň gatnaşdy.
Türkmenistan guramadaky öz ornuny pugtalandyrmak maksady bilen 2012-nji ýylda Halkara sergiler býurosynyň goşuldy.
5-nji oktýabrda guramanyň Baş sekretary Prezident Serdar Berdimuhamedow tarapyndan kabul edildi.
ORIENT news
