Serdar Berdimuhamedow "Halk hakydasy" ýadygärlikler toplumyna gül goýdy
6-njy oktýabrda - Hatyra gününde Türkmenistanda 1948-nji ýylyň ýer titremesinde we Watan üçin ähli söweşlerde wepat bolan gahrymanlaryň hatyralanýan günüdir.
Prezident Serdar Berdimuhamedow paýtagtymyzdaky "Halk hakydasy" toplumyndaky ýadygärliklere gül desselerini goýdy.
Bu toplumda jemi 3 sany ýadygärlik bar. Bu ýerdäki "Ruhy tagzym" ýadygärligi 1948-nji ýylyň ýer titremesinde wepat bolanlaryň, "Baky şöhrat" we "Milletiň ogullary" ýadygärlikleri bolsa, faşistik basybalyjylara garşy we Watanyň azatlygy ugrundaky beýleki söweşlerde wepat bolanlaryň hormatyna bina edilendir.
Gül goýmak çäresine şeýle hem Hökümet agzalary, milli parlamentiň, harby we hukuk goraýjy edaralaryň, Türkmenistandaky daşary ýurtlaryň we halkara guramalaryň wekilhanalarynyň, jemgyýetçilik guramalarynyň, ministrlikleriň we pudaklaýyn dolandyryş edaralaryň ýolbaşçylary, paýtagtymyzyň ýaşululary we ýaşlary gatnaşdylar.
Hatyra gününde öten-geçenleri ýatlamak çäreleri Türkmenistanyň ähli welaýatlarynda hem geçirildi.
ORIENT news
