Gazagystan Türkmenistany ÝAYB-de nebit önümleri bilen üpjün ediji hökmünde görýär
“Ýewraziýa ykdysady bileleşiginiň çägine nebit önümlerini iberip biljekleriň arasynda Türkmenistanyň we Hytaý Halk Respublikasynyň nebiti gaýtadan işleýän zawodlaryny görýäris. Bu etap iş tertibinde dowam edýär "- diýip, Gazagystanyň energetika ministri Almasadam Satkaliýew çarşenbe güni geçirilen metbugat ýygnagynda aýtdy.
Ministr Ýewraziýa ykdysady bileleşiginiň daşyndaky ýurtlaryň nebiti gaýtadan işleýän zawodlarynyň ÝAYB-niň talaplaryna laýyklykda tassyklanmalydygyny ýatlatdy.
Onuň žurnalistlere "Bilşime görä, käbir zawodlar (ÝAYB-niň ülňülerine laýyklykda) tassyklanmak isleýändiklerini mälim etdi" – diýip aýdan sözlerini Gazagystanyň "Kursiw" neşirinde habar berilýär.
Gazagystanyň Energetika ministrliginiň ýolbaşçysynyň metbugata ýüzlenmesi 4-nji oktýabrda Astana şäherinde geçirilen XV Ýewraziýa "KAZENERGY" forumynyň çäginde bolup geçdi. Satkaliýew ol ýerde "2060-njy ýyla çenli uglerodyň bitaraplygyny gazanmak strategiýasynyň durmuşa geçirilmegi" mowzukdaky sessiýasynda çykyş etdi.
Häzirki wagtda ÝAYB bäş ýurdy öz içine alýar: Ermenistan, Belarussiýa, Gazagystan, Gyrgyzystan we Russiýa Federasiýasy.
ORIENT news
