Türkmenistan we Liwiýa ylym-bilim ulgamynda hyzmatdaşlygy işjeňleşdirmäge taýýar

Oktýabr 04, 2023 | 20:39 |6797

Türkmenistanyň daşary işler ministriniň orunbasary B.Mätiýew 4-nji oktýabrda Liwiýanyň ýaşlaryň işleri boýunça ministri Fatallah Elzuni bilen duşuşdy.

Taraplar Türkmenistan bilen Liwiýanyň arasynda ylym-bilim, sport ugurlaryndaky gatnaşyklaryň ösüşi, şeýle hem iki ýurduň ýaşlarynyň gatnaşmagynda dürli forumlary we çäreleri geçirmek barada pikir alyşdylar.

Türkmenistanyň Daşary işler ministrliginiň web sahypasynda habar berlişine görä, duşuşyga gatnaşyjylar iki ýurduň arasynda köptaraplaýyn hyzmatdaşlygy, şol sanda ýaşlar syýasaty babatynda özara gatnaşyklary ýola goýmaga taýýardyklaryny tassykladylar.

ORIENT news