Katardaky “Ekspo-2023” sergisinde türkmen pawiliony ýurduň gazananlaryny görkezdi
Oktýabr 04, 2023 | 20:07 |13011
Kataryň paýtagty Doha şäherinde “Ekspo-2023” halkara bagbançylyk sergisi açyldy. Dünýäniň dürli sebitlerinden onlarça ýurtlar, şol sanda Türkmenistan hem bu sergide öz milli pawilionlaryny hödürledi. Türkmenistanyň Daşary işler ministrliginiň metbugat beýanatyna görä, ýurduň wekiliýetine Türkmenistanyň Söwda-senagat edarasynyň başlygy Mergen Gurdow ýolbaşçylyk etdi.
Kataryň Premýer-ministri Muhammet bin Abdulrahman bin Jassim Al Tani açylyş dabarasynda eden çykyşynda serginiň halkara hyzmatdaşlygyny giňeltmek üçin peýdaly platforma boljakdygyny aýtdy.
Halkara sergisine birnäçe döwletiň we hökümetiň baştutanlary, şeýle hem ýokary derejeli wekiliýetleriň ýolbaşçylary gatnaşdylar.
ORIENT news
