Daşoguzda howanyň üýtgemegi boýunça ýaşlar maslahaty geçirildi
Ýaşlar maslahatynyň (COY18) we BMG-niň Howanyň üýtgemegi bilen bagly meseleler boýunça Çarçuwaly konwensiýasynyň öňüsyrasynda BMG-niň Türkmenistandaky hemişelik wekiliniň edarasynyň we Beýik Britaniýanyň hem-de Birleşen Arap Emilikleriniň ilçihanalarynyň guramagynda howanyň üýtgemegi boýunça meselelere bagyşlanan ýaşlar maslahaty geçirildi.
Daşoguz şäherindäki Türkmen oba hojalyk institutynda geçirilen maslahata ähli pudaklardan bolan ýaşlar degişli ugurdaky meseleleri maslahatlaşmak üçin ýygnandylar.
Maslahata gatnaşyjylar howanyň üýtgemegi bilen döreýän meseleleri, şol sanda Aralýaka sebitindäki ýagdaýlary we durnukly oba hojalygyny ösdürmäge degişli täzeçillikleri ara alyp maslahatlaşdylar.
17 – 30 ýaş aralygyndky ýaşlaryň gatnaşan maslahatyna şeýle hem dürli döwlet edaralaryndan adamlar gatnaşdylar.
Gatnaşyjylar howanyň üýtegemegi bilen bagly kabul edilen halkara resminamalardan gelip çykýan borçnamalary ýerine ýetirmegiň ugurlaryna ünsi çekdiler. Maslahat degişli ugurda ýaşlaryň uly ähmiýetli orny eýeleýändigini görkezdi.
ORIENT news
