Türkmen wekiliýeti Italiýadaky festiwala gatnaşýar

Oktýabr 04, 2023 | 16:55 |10221

Türkmenistanyň Telewideniýe, radiogepleşikler we kinematografiýa baradaky döwlet komitetiniň wekilleri Italiýanyň Bari şäherinde RAI teleýaýlymynyň 75 ýyllygy mynasybetli geçirilen “Özüňe çek” atly Prix Italia-2023 festiwalyna gatnaşýar. Bu barada Halkara habarlar merkezi mälim edýär.

Onuň çäklerinde türkmen wekiliýetiniň RAI teleýaýlymynyň prezidenti, Italiýanyň daşky gurşawy goramak ministri hem-de Bari şäheriniň häkimi bilen duşuşyklar geçirildi. Şeýle hem, hyzmatdaşlyk hakynda Ähtnama baglaşmak mümkinçilikleri maslahatlaşyldy.

Şeýle hem , 6-njy oktýabrda Festiwalyň baş assambleýasynyň mejlisini geçirmek meýilleşdirilýär. Oňa türkmen wekiliýeti hem gatnaşar.

ORIENT news