Astanadaky türkmen diplomatik missiýasy atly päsgelçiliklerden bökmek ýaryşyny gurady
Anna güni, Astanadaky türkmen diplomatik wekilhanasy, Türkmenistanyň Garaşsyzlyk güni mynasybetli, Gazagystanyň paýtagtyndaky «Argymak» atçylyk toplumynda atly päsgelçiliklerden bökmek ýaryşyny gurady.
Baýramçylyk çäresine Astanadaky diplomatik jemgyýetiň wekilleri, ýerli şäher häkimlikleri we atçylyk sporty höwesjeňleri gatnaşdy.
Türkmenistanyň ilçisi Batyr Rejepow myhmanlaryň öňünde eden çykyşynda öz ýurdunyň garaşsyzlygynyň üç onýyllygynda gazanan esasy üstünliklerine: ykdysady ösüşe, jemgyýetçilik ösüşe we halkara gatnaşyklarynda işjeň ornyna ünsi çekdi diýip, ilçihananyň saýtynda aýdylýar.
Soňra atly päsgeçiliklerden bökmek ýaryşlary geçirilip, ýeňijilerine türkmen diplomatik missiýasyndan medallar we gymmatly baýraklar gowşuryldy. Atly türgenler görkeziş programmasyny ýerine ýetirdiler.
ORIENT news
