GDA döwletleriniň Baştutanlarynyň geňeşi üçin rus dilini goldamak baradaky beýannamanyň taslamasy taýýarlandy
Beýannamanyň taslamasynda GDA ýurtlarynyň özboluşly medeni mirasyny gorap saklamagyň we rus dilini milletara aragatnaşyk dili hökmünde wagyz etmegiň möhümdigi aýdylýar. Bilermenler beýannamanyň taslamasynyň mowzugy bilen baglanyşykly alnan teswirleri we teklipleri ara alyp maslahatlaşandan soň, anna güni Arkalaşygyň baş edarasynda geçirilen mejlisde resminamany taýýarladylar we ylalaşdylar. Hünärmenler ony bellenilen tertipde GDA döwletleriniň baştutanlarynyň geňeşiniň garamagyna tabşyrmak kararyna geldiler diýip, GDA-nyň ýerine ýetiriji komitetiniň metbugat gullugy habar berýär.
Resminamanyň taslamasy GDA ýurtlarynyň özboluşly dil, taryhy we medeni mirasyny gorap saklamagyň we wagyz etmegiň möhümdigini belleýär. Onda Arkalaşygyň umumy medeni we ynsanperwer giňişligini berkitmekde rus diliniň ähmiýeti barada aýdylýar we özara gatnaşyklarda we halkara guramalarynyň platformalarynda hem forumlarda rus diliniň ulanmaga ygrarlydygy tassyklanýar.
Duşuşyk wideo aragatnaşygy arkaly geçirildi. Onuň işine GDA ýurtlarynyň we Arkalaşygyň ýerine ýetiriji komitetiniň wekilleri gatnaşdy.
Şu ýyl, GDA-da rus diliniň milletara aragatnaşyk dili hökmünde yglan edilendigini ýatladýarys.
ORIENT news
