Aşgabatda «Serhetsiz Hazar» halkara bäsleşiginiň ýeňijileri sylaglandy
Russiýa Federasiýasynyň Aşgabatdaky ilçihanasy «Serhetsiz Hazar» atly iň oňat žurnalistik eseri üçin halkara bäsleşiginiň ýeňijilerini sylaglamak dabarasyny geçirdi. Dabara Russiýanyň Türkmenistandaky ilçisi Iwan Wolynkin gatnaşdy.
«Täze garaýyş» nominasiýada «Arkalaşyk. Dostluk. Mähirlilik» makalasy üçin birinji orny «Türkmenistan» gazetiniň žurnalisti Aýgül Rahimowa aldy. Žurnalist Ilaman Çuriýew «Hazaryň suraty» dalaşgärliginde ikinji ýer üçin diplom aldy. Ol bäsleşikde Hazar ýurtlarynyň arasyndaky hyzmatdaşlygy ösdürmäge bagyşlanan suratlary hödürledi.
Mediýa bäsleşigine resmi metbugat, döredijilik toparlary, Hazar döwletleriniň çäginde işleýän birleşikler we awtorlar gatnaşdy. Bu ýaryş adatça 5 nominasiýada geçirildi: «Hazaryň suraty», «Adam we deňiz», «Hazar ýurtlaryny açmak», «Hazar - saglyk sebiti», «Täze garaýyş».
«Serhetsiz Hazar» basleşiginiň geçirilmegi ýurtlarymyzyň ýaşaýjylaryna birek-biregi has gowy tanamaga we düşünmäge kömek edýär. We bu ýerde esasy orun zurnalistlere degişlidir»,-diýip Wladimir Golowkow belledi. - Türkmenistanyň hünärmenleri Hazaryň metbugat forumyna işjeň gatnaşdylar. 2024-nji ýylda sizi bu halkara çäresinde görmäge sabyrsyzlyk bilen garaşýarys».
ORIENT news
