Gazagystanyň uniwersitetinde türkmen medeniýetiniň sergisi guraldy
Sentýabr 29, 2023 | 13:16 |7009
Türkmenistanyň Garaşsyzlygynyň 32 ýyllygy mynasybetli Gazagystandaky ilçihana L.N.Gumilýo adyndaky Ýewraziýa milli uniwersitetinde sergi guraldy. Onda Türkmenistana degişli kitaplar, neşirler we amaly-haşam sungat eserleri görkezildi.
Neşir önümleri Türkmenistanyň taryhy, medeniýeti, Garaşsyzlyk ýyllaryndaky üstünlikleri barada giňişleýin gürrüň berýär. Onda türkmen halkynyň Milli Lideri, Halk Maslahatyň Başlygy Gurbanguly Berdimuhamedowyň eserlerine hem giň orun berildi.
Bu ýerde görkezilen amaly-haşam sungat eserleri we beýleki önümler türkmen medeniýetiniň özboluşlylygyny we köpdürlülige baýdygyny Gazagystanyň raýatlaryna we myhmanlaryna tanyşdyrdy.
ORIENT news
