Hazarüsti ulag geçelgesi arkaly ýük geçirilişi 85 göterim artdy
Şu ýylyň ýanwar - awgust aýlarynda Hazarüsti ulag geçelgesi arkaly ýükleriň geçirilişi geçen ýylyň degişli döwründäkiden 85,3 göterim ýokarlanyp, jemi 1,7 million tonna deň boldy. Bu barada Aktau şäherinde geçirilen "ТМТМ 2023: Sanly eýýamda innowasiýa we ösüş" atly işewürlik forumyna salgylanyp, "Gazagystanyň demir ýollary" milli kompaniýasy" paýdarlar jemgyýeti habar berýär.
Hazarüsti ulag geçelegesiniň (ТМТМ) döredilmeginiň 10 ýyllygyna bagyşlanyp geçirilen foruma 10 döwletiň wekilleri gatnaşdylar. Olar maýa goýum hyzmatdaşlygyny, söwda-ykdysady gatnaşyklaryny ösdürmegiň meselelerini we sebit bazarynda bar bolan töwekgelçilikleri ara alyp maslahatlaşdylar. Sebit bilermenleri ulag ugurlaryny diwersifikasiýalaşdyrmak, logistika we infrastruktura taslamalary durmuaş geçirmek boýunça alnyp barylýan işlere garadylar.
Gazagystanyň Aktau şäherinde geçirilen forum güýçli depginde alnyp barylýan sanlylaşmak döwrüniň şertlerinde Hazarüsti halkara ulag geçelgesini ösdürmäge bilelikde gatnaşmak, işewürlik strategiýalaryna uýgunlaşmak we çözgütleri kabul etmek üçin amatly meýdança boldy.
Forumyň çäklerinde ulag ulgamy boýunça birnäçe ylalaşyklara gol çekildi.
ORIENT news
