“Coca-Cola” emeli intellekti ullanyp döreden ilkinji içgisini tanyşdyrdy
“Coca-Cola” kompaniýasy emeli intellekti ulanyp döreden “Y3000” atly täze gazly içgisini tanyşdyrdy. Täze içginiň düzümini we daşky bezegini dolulygyna emeli intellekt ýerine ýetirdi diýip, kompaniýanyň metbugat gullugy habar berýär.
Futuristik önümiň gaýtalanmajak tagamyny taýýarlamak üçin emeli intellektiň we kompaniýanyňönümleriniň muşdaklarynyň pikirleri peýdalanyldy. “Coca-Cola” kompaniýasynyň ählumumy strategiýa boýunça uly direktory Oana Wladyň mälim etmegine görä, kompaniýanyň maksady muşdaklar üçin garaşylmadyk täsin pursatlary döretmekden ybaratdyr. Täze önümiň üsti bilen, geljegiň içgisiniň nähili boljakdygyny tanyşdyrdyk.
Kompaniýa häzirlikçe täze içginiň nähili tagamly we onuň düzüminde nämeleriň boljakdygyny mälim etmeýär. Belli zat, diňe täze “Y3000” önümi şekerli we şekersiz görnüşde bolar.
Ýagty geljegi alamatlandyrýan önümiň daşky bezegi neýroulgamyň kömegi bilen döredildi. Kümüşsöw reňkiň üstünde ýerleşdirilen melewşe, gyrmyzy we gök zolaklar ýagty geljegi şekillendirýär. Täze gazly içgileriň ýüzünde QR kodlary ýerleşdirilip, ol “Creations Hub” hyzmatyna göni geçişi üpjün edýär. Bu hyzmat arkaly 3000-nji ýyllarda zatlaryň nähili görüjekdigini bilip bolýar.
ORIENT news
