Aşgabatdaky türkmen-rus mekdebine rus ýazyjylarynyň eserleri gowşuryldy
Russiýanyň Astrahan oblastynyň gubernatory Türkmenistana saparynyň dowamynda Aşgabatdaky A.S.Puşkin adyndaky bilelikdäki türkmen-rus mekdebine nusgawy we häzirki zaman rus ýazyjylarynyň kitaplaryny sowgat etdi. Bu barada «Астрахань 24» neşiri habar berýär.
Täze kitaplar Astrahan oblastynyň daşary aragatnaşyklar ministri Wladimir Golowkow tarapyndan mekdebe gowşuryldy.
Türkmen paýtagtyndaky rus mekdebi we Astrahan sebitiniň Funtowo obasyndaky Magtymguly Pyragy adyndaky mekdep ýakyn gatnaşyklary alyp barýar. Wladimir Golowkowyň bellemgine görä, häzirki wagtda iki mekdep hem türkmen şahyry Magtymguly Pyragynyň 300 ýyllygyny bellemäge taýýarlyk görýärler.
Bellenişi ýaly, bu senäniň bellenmegi iki ýurduň arasynda medeni-ynsanperwer gatnaşyklary berkider.
ORIENT news
