Mejlisiň üçünji maslahaty 30-njy sentýabrda geçiriler
Türkmenistanyň Mejlisiniň ýedinji çagyrylyşynyň üçünji maslahaty 30-njy sentýabrda sagat 10:00-da Türkmenistanyň Mejlisiniň binasynda geçirilýär. Deputatlary bellige almak işi şondan bir sagat öň başlanýar. Bu barada Türkmenistanyň resmi metbugaty habar berýär.
Mejlisiň ýedinji çagyrylyşynyň ilkinji maslahaty döwlet Baştutanynyň gatnaşmagynda şu ýylyň aprel aýynda geçirilipdi. Şonda täzelenen düzümli türkmen parlamentine täze ýolbaşçy saýlanyp, ileri tutulýan wezipelere garaldy.
Şonda käbir kanunçylyk namalaryna, şol sanda Raýat kodeksine, Administratiw düzgün bozulmalar barada kodekse, “Harby gullukçylar hakynda”, “Harby borçlulyk we harby gulluk hakynda”, “Türkmenistanyň 2024-nji ýyldaky Döwlet býujeti hakynda” kanunlaryna, salgyt, gümrük kodekslerine we beýleki kanunçylyk-hukuk namalaryna üýtgetmeler we goşmaçalar girizmek bellendi.
Mejlisiň ikinji maslahaty 3-nji iýunda geçirildi. Onda üýtgetmeler we goşmaçalar girizilen birnäçe kanunçylyk namalary kabul edildi.
ORIENT news
