Dabaraly harby ýöriş Türkmenistanyň goranyş kuwwatyny görkezdi — surat
Türkmenistanyň Garaşsyzlygynyň 32 ýyllygy mynasybetli guralan dabaraly harby ýöriş tamamlandy.
Harby tehnikalaryň gözden geçirilişi ýurduň ýokary goranyş kuwwatyny görkezdi.
Döwlet münberiniň toplumynyň öňündäki meýdançadan guryýer goşunlarynyň dürli harby tehnikalary, şol sanda bronlanan ulaglar, tanklar, raketa toplumlary geçdiler.
Haby ýörişde häzirki zaman harby tehnikalary bolan uçarmasyz uçýan enjamlar hem görkezildi.
Aşgabatdaky dabaraly harby ýöriş bilen bir hatarda, Hazar deňzinde ýurdumyzyň harby deňiz güýçleriniň harby gämileriniň dabaraly ýüzüşi guraldy. Ol Döwlet münberiniň öňündäki uly ekranlarda görkezildi.
Uçarlaryň, dikuçarlaryň asmandaky uçuşy dabaraly harby ýörişiň gyzgalaňly pursaty boldy.
Ýokary ussatlyga eýe uçarmanlar Türkmenistanyň harby howa güýçleriniň kuwwatyny görkezdiler.
ORIENT news
